Vinnuvís býður upp á fjölbreytt fræðsluerindi fyrir vinnustaði og leggur áherslu á að sníða efnið að hverjum vinnustað fyrir sig svo að þekkingin komist sem best til skila til starfsfólks.
Í ráðgjöf er lögð áhersla á þarfagreiningu og djúpan skilning á þörfum vinnustaðarins til að tryggja að hægt sé að framkvæma inngrip sem hafa jákvæð, mælanleg og gagnleg áhrif.
Ráðgjöf
Sveigjanleg og markviss
Ráðgjöf Vinnuvís byggir á gagnreyndum aðferðum og viðurkenndum fræðilegum grunni. Hún getur farið fram á vinnustaðnum eða í formi viðtala á stofu, allt eftir þörfum. Þar leggjum við áherslu á handleiðslu fyrir starfsfólk og stjórnendur, ráðgjöf um krefjandi vinnustaðamál og önnur úrlausnarefni sem tengjast starfi og starfsumhverfi – með það að markmiði að skapa lausnir sem eru bæði faglegar og raunhæfar.
Dæmi um ráðgjöf:
-
Handleiðsla fyrir stjórnendur sem takast á við erfið samskipti eða breytingar í starfsmannahópi
-
Stuðningur við starfsfólk sem hefur orðið fyrir einelti, áreitni eða öðrum krefjandi aðstæðum á vinnustað
-
Ráðgjöf til stjórnenda um viðbrögð við kvörtunum eða ábendingum um ágreining og áreitni
-
Aðstoð við að móta ferla og verklag sem tryggja heilbrigt starfsumhverfi
-
Ráðgjöf og úrræði til að byggja upp traust, liðsheild og jákvæða menningu eftir ágreining
Fræðsla
Eitthvað fyrir alla
Fræðsla er einföld en gagnleg aðferð til að koma á framfæri nýrri þekkingu til starfsfólks. Fræðslan byggir á fyrirlestrum, verkefnum, æfingum og samtölum, eftir því hvað vinnustaðurinn þarf.
Fræðsla sem Vinnuvís hefur boðið upp á:
-
Að sigrast á streitunni – hvernig við bregðumst við og hvaða aðferðir virka
-
Að greina og leysa vinnustaðamál - aðferðir, gildrur og gagnleg ráð
-
Krefjandi samskipti á vinnustöðum – verkfæri til að takast á við ágreining og auka skilning
-
Hamingja í lífi og starfi – hvað stuðlar að vellíðan og árangri
-
Einelti, áreitni og ofbeldi – fræðsla fyrir starfsfólk og stjórnendur um viðbrögð og forvarnir
-
Stjórnendafræðsla – leiðtogafærni, samskipti, hvatning og uppbygging jákvæðrar menningar
Þá hefur Vinnuvís haldið utan um vinnustofur fyrir fjölbreytt mál, til að mynda:
-
Stefnumótun í stjórnun
-
Mótun menningar á vinnustað
-
Mótttaka nýliða
-
Ráðningarferli
-
Lausn EKKO mála á vinnustað